Motrat binjake, Amália Alves dhe Amanda Alves 18-vjeç, janë qëlluar për vdekje në anë të një rruge në Brazil. Ngjarja e rëndë ka ndodhur të mërkurën e kaluar në Ceará, Brazil. Autorët e dyshuar kanë regjistruar vrasjet, dhe i kanë transmetuar ato përmes një llogarie në Instagram.
Policia arrestoi Mateus Abreu, një djalë 17-vjeçar i cili shfaqet në video duke qëlluar dy motrat.
Amália dhe Amanda shihen secila të gjunjëzuara dhe duke mbajtur flokët, para se dikush ti qëllonte në pjesën e pasme të kokës.
Gazeta “Jornal de Brasília” raportoi se vrasjet ndodhën sepse motrat Alves ishin në dijeni të incidenteve që përfshinin një bandë trafiku droge.
Një adoleshent është arrestuar në verilindje të Brazilit, për vrasjen e motrave binjake. Viktimat 18-vjeçare, të identifikuara si Amália Alves dhe Amanda Alves, u gjetën pa shenja jete në anë të një rruge, prapa një kompleksi strehimi në Pacajus, Ceará, të mërkurën e kaluar në mëngjes, disa orë pasi u vranë.
Teksa autoritetet nuk kanë dhënë një motiv për ekzekutimet, gazeta “Jornal de Brasília” raportoi se motrat binjake u vranë sepse ishin në dijeni të incidenteve që përfshinin tregtarët lokalë të drogës.
Banorët e lagjes njoftuan policinë, pasi zbuluan kufomat në vendin ku u vranë. Amanda Alves la pas një vajzë tre-vjeçare. Amália Alves është nënë e një djali gjashtë muajsh.
Abreu u arrestua nga Policia Civile Ceará, të mërkurën vonë. Gazeta braziliane “Diario do Noreste” raportoi se adoleshenti i dyshuar kishte shtatë arrestime paraprake për armëmbajtje pa leje, vjedhje dhe lëndime trupore të qëllimshme në 2020 dhe këtë vit.
Burimi i lajmit: Dailymail. Përshtati: Tirana Today
