Vendi do të dominohet nga kthjellime dhe vranësira të shumta deri në mbrëmje mbi të gjithë territorin.
Gjatë natës do të ketë reshje shiu fillimisht në veriperëndim dhe gradualisht shirat do të përfshijnë të gjithë vendin.
Po ashtu, edhe dita e parë e javës pritet të jetë me shira, ndërsa në mbrëmje parashikohen reshje dëbore në ekstremin verior dhe zonat e thella malore të verilindjes.
Sipas Meteoalb, temperaturat do të ulen gradualisht deri mesditën e së hënës kur pritet rënie e ndjeshme e tyre duke zbritur maksimumet termike sipas zonave në vlerat 13 – 17°C zonat malore; 18 – 21°C zonat e ulëta dhe 19 – 20°C bregdeti.
Era do të fryjë e lehtë dhe mesatare deri mbrëmjen e së dielës kur pritet forcim i erës mbi 40 km/h nga drejtimi veriperëndimor. Natën e së dielës dhe gjatë së hënës, vijon forcimi i erës mbi 60 km/h nga drejtimi Verior – Veriperëndimor duke gjeneruar në brigjet detare dallgëzim 4 ballë por mbi 6 ballë, në det të hapur.
