Sipas MeteoAlb, pjesa e parë e ditës do të jetë në kushte të qëndrueshme atmosferike. Por parashikohet që vranësirat të zhvillohen në orët e mesditës dhe pasdites, duke sjellë reshje shiu në zonat malore dhe pjesërisht qendrore. Ndërsa mbrëmja rikthen kthjellimet dhe vranësirat kalimtare në vend.
Temperaturat e ajrit do të mbeten konstante në mëngjes, por do të vijojnë të rriten në mesditë, duke regjistruar vlerën minimale në qytetin e Ersekës me 12°C, ndërsa vlera maksimale do të shënohet në qytetin e Lezhës me 33°C.
Era do fryjë lehte në tokë dhe mesatare në det me shpejtësi 35 km/h nga drejtimi Veriperëndimor, duke krijuar dallgëzimin 3 ballë.
