Ultësira Perëndimore do të jetë në kushte të qëndrueshme atmosferike, duke bërë që kthjellimet të jenë dominante në pjesën më të madhe të ditës. Por zonat malore do të vijojnë të jenë me vranësira kalimtare, të cilat do të sjellin herë pas here rrebeshe afatshkurtra.
Temperaturat e ajrit do të mbeten të pandryshuara në mëngjes, por do të rriten në mesditë duke regjistruar vlerën minimale në qytetin e Ersekës me 17°C. Ndërsa vlera maksimale do të shënohet në qytetin e Lezhës me 38°C.
Era do të fryjë mesatare në tokë dhe e fortë në det, me shpejtësi 50 km/h nga drejtimi veriperëndimor duke krijuar dallgëzim 5 ballë.
