Moti i kthjellët dhe temperaturat e larta do të dominojnë sërish ditën e sotme, duke e kthyer të dielën në një ditë perfekte pushimi.
Sipas Institutit të Gjeoshkencave, Energjisë, Ujit dhe Mjedisit, gjatë orëve të mesditës dhe pasdites vranësirat e lehta do të shfaqen në zonat malore, megjithatë nuk do të ketë reshje shiu.
Temperaturat e ajrit do te rriten në mëngjes dhe në mesditë, duke luhatur vlerat ditore nga 19°C deri në 34°C. Në bregdet, ato do të variojnë nga: 21 / 31°C; në vendet e ulëta: 20/34°C, ndërsa në vendet malore: 15 / 30°C. Si pasojë e temperaturave të larta, rreziku për zjarre pritet që të jetë më i lartë gjatë ditës së sotme.
Sa i përket erës, ajo do të fryjë e lehtë në tokë dhe mesatare ne det me shpejtësi 30 km/h nga drejtimi veriperëndimor, duke krijuar dallgëzim 2-3 ballë.
