Për ditët e hënë dhe të martë, moti do të vijojë të jetë i kthjellët me vranësira të pakta kalimtare; ditë të bukura me diell por mëngjese të freskëta. Përgjatë ditës së mërkurë, kemi ndryshim gradual të situatës meteorologjike, pasi duke nisur nga orët e mesditës fillon shtimi gradual i vranësirave mesatare deri të dendura.
Përgjatë orëve të pasdites dhe kryesisht ato të mbrëmjes të ditës së mërkurë nisin reshjet e shiut, me intensitet të ulët në të gjithë territorin. Dita e enjte do të karakterizohet nga moti i vranët, shoqëruar me reshje shiu të herëpashershme me intensitet të ulët dhe mesatar në formë shtrëngatash. Në relievet malore, reshje dëbore në lartësitë mbi 300 metër, por ato zbresin deri dhe në lartësitë kodrinore 500-600 metër.
Ditën e premte rikthehet moti i kthjellët në të gjithë vendin, por temperaurat mendohen të zbresin ndjeshëm në vlerat minimale (vlera negative në një pjesë të madhe të vendit).
