Meterologia Adjola Bani, ka thënë se pas temperaturave të larta që mbizotëruan në mbarë vendin, kjo javë do të ketë mot të vranët. Sipas saj, kthjellimet dhe vranësirat kalimtare do të vijojnë të mbeten prezente deri ditën e premte, ku në zonat malore do të kemi rrebeshe afatshkurta shiu.
E ndërsa në bregdet do të mbetet me mot të kthjellët. Fundjava do të na sjellë ndryshim të kushteve të motit, Të shtunën do të ketë rrebeshe shiu jo vetëm në zonat malore, por edhe në ato qendrore. E diela do jetë me mot më të kthjellët.
”Moti i vranët do të vijojë të mbetet prezent në territorin shqiptar. Sidomos në zonat malore ku do të kemi dhe zhvillim të vranësirave, kryesisht juglindje dhe gjithë zonën lindore, ku pritet që gjatë orëve të pasdites të kemi zhvillim të vranësirave dhe rrebeshe afatshkurta shiu.
Kjo situatë e motit ku kthjellimet dhe vranësirat kalimtare do të vijojnë të mbeten prezente deri në ditën e premte, ku në zonat malore do të kemi rrebeshe afatshkurta shiu. Ndërsa në bregdet do të mbetet me mot të kthjellët.
Përsa i përket temperaturave të ajrit, sot kanë pësuar një rënie gjatë mëngjesit dhe do të vijojë edhe gjatë mesditës.
Duke filluar nga dita e mërkurë dhe deri në ditën e premte, nuk do të ketë luhatje të mëdha. Mëngjeset do vijojnë të mbeten të freskëta, ndërsa mesdita do të jetë me vlera tipike, duke bërë që maksimumet të jenë 33-34 gradë celcius.
Fundjava do të na sjellë ndryshim të kushteve të motit, sidomos dita e shtunë ku presim që të kemi rrebeshe shiu jo vetëm në zonat malore por edhe në ato qendrore.
E diela do jetë me mot më të kthjellët, përsa i përket temperaturave, do kemi një rritje të lehtë, duke bërë që maksimiumi të ngjitet në 35 gradë celcius gjatë fundjavës”, tha ajo në një lidhje Skype për ”Ora News”.
