E martë, 26 Janar, 2021
8 C
Tirana

Mos u tallni me fëmijët! Besa, dil e jepi zgjidhje

Nga Mentor Kikia

Sot ka një ngjarje të rëndë(sishme) që po ndodh.

Në rrugë kanë dalë mijëra të rinj, maturantë. Protestojnë kundër një padrejtësie, sipas tyre. Pretendimi, me pak fjalë është ky:

1-Në kushtet kur shkolla sivjet, si çdo fushë tjetër, u godit nga karantina prej covid-it, e kur nxënësit ndërprenë shkollën, teza është më e vështirë se ajo e vitit të kaluar.

2-Në teze janë përfahirë pyetje që nuk janë as në programin mesimor që u zhvillua ashtu siç u zhvillua online.

Nuk kam dëgjuar vetëm pretendimet e nxënësve. Kam dëgjuar edhe pretendimet e shumë mësuesve që pranojnë se teza ishte e vështirë dhe plot anomali.

Unë nuk mar dot përgjegjësinë të them kush ka të drejtë. Por një gje e them me zë të lartë.

Me fëmijët mos u tallni!

Një notë në provimin e maturës është rrjedha e jetës për ta, është mundi dhe djersa e 4 viteve shkollë.

Në këtë vend çdo ministër arsimi, pa qenë i zoti të lërë ndonjë gjurmë në cilësi, ka bërë formulën e tij të vlerësimit të maturantëve, duke bere njeri me dem se tjetri.

Kush janë ata që bëjnë tezat? Kush janë ata që shpikin formula vlerësimi çdo katër vjet apo edhe me keq, çdo vit? Këta “ekspertë” zyrash dhe jo arsimi, nuk prodhojnë teste për të matur nivelin e njohurive të nxënësve, por pyetje që synojnë të kapin “mat” nxënësin. Çfarë janë fëmijët, dru që zbrukthtari, i jep formën qe kërkon mobilja?

Ministrja e arsimit të mos mbyllet pas dritareve por të krijojë një ekip të pavarur mësuesish, jo vartës të saj por mesues qe u kane dale thinjat me shkumes ne dore, për të vlerësuar tezën dhe nëse fëmijët janë dëmtuar, të urdhërohet urgjent ribërja e provimit. Dhe hiqni dorë nga etiketimi i fëmijëve si opozitarë e stërropozitarë. Para se të jenë fëmijë prindërish demokratë, socialistë, ballistë, a çdreqin tjetër, janë fëmijë, janë shtetas të kësaj republike.

Unë nuk kam asnjë fëmijë maturant. Por unë sot jam me ata që janë në rrugë. Sepse ata nuk mund të jenë viktima të eksperimenteve të dështuara te njerëzve që, pa patur asnjë lidhje me arsimin, kanë drejtuar e drejtojnë arsimin.

Ju prindër që i keni fëmijët maturantë, mos i lini vetëm por bashkojuni zërit të tyre!

Besa, nuk na duhet dorëheqja jote. Por dil dhe jepi zgjidhje problemit.

Edhe ata qe nuk kane femije maturante, i ftoj ti bashkohen ketij zeri duke e shperndare kete shkrim sa te munden.

- Reklama -

Më shumë nga kategoria




Të fundit

A mund të besojmë te zgjedhjet kur s’ka llogaridhënie?

Nga: Agim Baçi Përvoja na kujton një të vërtetë të rëndësishme, që qeveria e përgjegjshme nuk vjen vetëm përmes zgjedhjeve. Ajo vjen së pari përmes...

Gjermani: Teste të shpejta kundër Covid-19 në shtëpi

Një test i thjeshtë e i shpejtë për Covid-19 në shtëpi do t'i bënte shumë gjëra më të lehta dhe mund të ndihmonte në...

Ndihen lëkundje tërmeti në vend

Një tërmet me magnitudë 3.9 ballë i shkallës Rihter ka lëkundur vendin tonë. Sipas asaj që raporton Qendra Sizmiologjike Europiane për Mesdheun, epiqendra e lëkundjeve...

Senati merr zyrtarisht akuzën ndaj ish-presidentit Trump

Senati i Shteteve të Bashkuara ka marrë zyrtarisht akuzën e ngritur kundër ish-Presidenti Donald Trump, i vetmi president në historinë e vendit ndaj të...

Foto/ Infermierja “hajdute” e infektivit, i vodhi portofolin pacientit me covid

Gruaja në foto është infermierja e spitalit infektiv në Tiranë, Ronida Hysa, e cila u arrestua nga policia dhe prokuroria e Tiranës, për akuzën...