Ministrja e Shtetit për Marrëdhëniet me Parlamentin dhe gazetari Enton Abilekaj, janë përfshirë në një debat mbrëmjen e sotme. Të ftuar në emisionin ”Open” në Top Channel, ata debatuan në lidhje me procesin zgjedhor të 25 prillit.
Gazetari Abilekaj, tha se mazhoranca i fitoi zgjedhjet duke dhënë para për njerëzit e varfër, në mënyrë që t’ua blinte votën. Por, ky arsyetim është kundërshtuar nga Spiropali, e cila e krahasoi këtë gjuhë të Abilekajt, me atë të kryedemokratit, Lulzim Basha.
Pjesë nga debati
Enton Abilekaj: Keni kryer krim zgjedhor duke takuar njerëzit në rrugë duke i thënë se ju japim para.
Elisa Spiropali: Mos përdorni të njëjtin gjuhë si Lulzim Basha. Ti nuk ke asnjë hall, nuk mund të quash krim zgjedhor kur e zeza në të bardhë thotë se ishin zgjedhjet më të mira. Edhe PD e ka pranuar sepse i kanë pranuar mandatet dhe do të jenë në Kuvend. Nëse marrin mandatet dhe nuk pranojnë rezultatet, pyetini se 2+2 bëjnë 5. Ne kemi një qetësi olimpike.
Enton Abilekaj: Ky është një besim i imponuar, i blerë, u është ofruar në varfëri një pikë ujë në shkretëtirë. Një të varfëri që i jep para se zëre se tu prish nga tërmeti, çfarë do bëjë.
Elisa Spiropali: Shtëpitë u dëmtuan nga tërmeti dhe po u kthehen.
Enton Abilekaj: Ka njerëz që nuk kanë pasur gërvishtje nga tërmeti dhe kanë marrë para, të tjerë kanë marrë një gërvishtje dhe e kanë bërë nga e para.
Elisa Spiropali: Jeni kaq të pabesueshëm.
