Kryeministri Edi Rama ka bërë me dije se Thumana do të shndërrohet në një atraksion turistik. Ai u shpreh se ka edhe nga ata që s’e besojnë, por përrallat e tij dalin gjithmonë.
Një qytetare tha se jetesa është bërë mjaft e vështirë, ndërsa kërkoi të dinte se çfarë do të bëhej me shtëpinë e saj.
Ndërkohë që Rama i tregoi se si do të procedohej, ajo menjëherë i solli në vëmendje tubimin e djeshëm mbajtur nga presidenti Meta. Me ironi Rama ia ktheu që mos t’ia kujtojë emrin e Metës, pasi sjell ters.
Debati
Zonja nga Thumana- Hiqi përrallat, se ka ardhur aty ku nuk mban më. Ka shumë si unë që u ka dalë shpirti dhe jam robtuar. Le të bohet lulishte, po unë jam mosbesuese. Dua ta di, unë që kam dy hyrje, pse të më humbi një?
Edi Rama: Më myte, mos se më shkatërrove. Parimi është që ne do ndërtojmë shtëpitë e atyre që kanë humbur shtëpitë. Ke dy hyrje në një pallat që do prishet dhe do i marrësh siç i kishte. Qaj tani…
Zonja nga Thumana: Shumë faleminderit. Ta them edhe një fjalë, dëgjova Ilir Metën atje.
Edi Rama: Lëre mos na sill ters në Thumanë. Lere tani. Kot që nuk e keni çuar në Parlament këtë. Lëja tersin Presidencës.
