Në nëntorin e vitit që lamë pas, këngëtari e njëkohësisht moderatori i mirënjohur Kastro Zizo deklaroi se do të kandidojë për Bashkinë e Përmetit. Duket se kjo dëshirë nuk është zbehur, ndërsa ka dhënë disa detaje pikante në një intervistë për “Panorama Plus”.
Moderatori dhe këngëtari thotë se motoja e tij për qytetin është “hani, pini dhe këndoni”, sepse “në atë vend të bukur vetëm këtë mund të bësh!”.
Deklarove se do të hidhje kandidaturën për kryetar Bashkie i Përmetit. Çfarë atraksioni mund të ndërtoje në atë qytet për të joshur turistët?
“Unë jam me moton: Hani, pini dhe këndoni! Në atë vend të bukur, vetëm këtë mund të bësh!”.
Të bësh fushatë politike për të rrëmbyer votat e një qyteti tjetër, ndërsa vetë jeton në metropol, mbase nuk është e thjeshtë. Si mund t’ua mbushësh mendjen atyre të ta japin votën?
“Kur të vijë momenti, do t’ju tregoj strategjinë time!”.
Kastro Zizo s’është as e para dhe as e fundit figurë e artit që angazhohet në politikë. Erion Isai u zyrtarizua si kandidat i PS për Bashkinë e Kolonjës pak ditë më parë.
