Një debat i ashpër ka shpërthyer mbrëmjen e djeshme në “Top Show”, ku Alfred Peza dhe Shpëtim Idrizi kanë ngritur zërin herë pas here. Ngritja e tonit kishte zanafillën në marrëdhëniet greko-shqiptare.
Në një moment, Idrizi iu drejtua Pezës që të ketë kujdes kur flet për çështjen çame, dhe se nuk mund të bëhet ekspert në çdo fushë. “Vetëm ekspert i marrëdhënieve shqiptaro-greke mos u bëj, se të gjithë të tjerat na je bërë”, tha ai ndër të tjera.
Debati:
Idrizi: E para nuk të thashë media, por të thashë deklaratën e qeverisë shqiptare. Është thënë që marrëdhëniet midis Shqipërisë dhe Greqisë, është thënë që do fillohet nga ajo që është rendimenti më i lartë, por që ka pasoja për shqiptarët. Po flasim për një vend që ka akoma në fuqi ligjin e luftës me Shqipërinë.
Peza: Ja pra e ke deklaratën e Ramës…
Idrizi: Rama nuk e thotë këtë….
Peza: O Shpëtim…
Idrizi: Për çështjen çame, heqjen e ligjit të luftës dhe marrëveshje të tjera janë marrë vetëm kërkesat e grekëve.
Peza: Do flasim për nga 1913 dhe sot, apo do flasim. Deklarata e qeverisë është ajo e dakordësimit të dy palëve.
Idrizi: Je gazetar të respektoj. Unë kam mendimin tim. Vetëm ekspert i marrëdhënie shqiptaro-greke mos u bëj, se të gjithë të tjerat na je bërë.
Peza: Edhe ti ekspert i 1913.
Idrizi: 1913 ka të bëjë me 5 mijë të vrarë.
Peza: Nuk jemi në fushatë këtu.
Idrizi: Ki kujdes për 1913, se pasojat janë të mbartura edhe sot.
Peza: Po flet një njeri që mbiemrin e ka, që nuk e lë të gaboj.
