Këngëtarja e njohur nga Kosova, Shkurte Gashi, ka ndarë me publikun një histori të dhimbshme që ka ndodhur së fundmi në familjen e saj. Shkurte ka treguar në një intervistë për ‘Prive’, momentin kur mësoi se babai i saj ishte diagnostikuar me sëmundjen e kancerit.
Sipas saj, kjo ka qenë edhe arsyeja se pse vonoi projektin e fundit me Brunon, teksa pranon se nga emocionet e tepërta, desh është rrëzuar nga skena në një prej koncerteve të saj.
“Isha e shokuar atë ditë. Në atë mërzi, unë shkova në Tiranë për këngën e re dhe kam qarë duke ditur sëmundjen e babait tim. Deshi Zoti ia doli. Kjo është edhe arsyeja pse e vonova projektin. Unë doja t’i ndërpreja të gjitha aktivitetet e mia në koncerte. Në një mbrëmje kam qenë duke u rrëzuar prej emocioneve. Mendoja se nuk mund t’i kënaqja fansat nga mërzia e madhe që kisha. Kur përfundova pjesën time të këndimit, fansat më kthyen tre herë në skenë. Ishte shenjë prej Zotit që të bëhem e fortë dhe të vazhdoj”, tregoi Shkurte.
Projekti më i ri i sjellë nga Shkurte Gashi, u përfol se do të rikthente sërish në muzikë këngëtarin e njohur Flori Mumajesi, pasi në foton e publikuar nga xhirimet, shfaqej edhe këngëtari në video.
