Faqja zyrtare e Teatrit “Aleksandër Moisiu” ka ndarë me ndjekësit në Facebook, një video të aktorit të njohur të humorit, durrsakut Muharrem Hoxha.
Ky i fundit prej dy muajsh qëndron në qytetin e Pogradecit, për shkak të pandemisë, ku ka realizuar një këngë parodi nga e përditshmja e tij gjatë kësaj situate.
Në këtë video, ai tregon se qytetarët duhet që të qëndrojnë në shtëpi, pasi me rëndësi mbetet shëndeti.
Mjeshtri i humorit tregon se nëse qytetarët nuk u binden urdhrave të shtetit, atëherë ata do të përballen me gjoba.
Madje në mënyrë figurative ai tregon se ka marrë gjobë nga policia, pasi nuk kishte aplikuar për leje, për të dalë.
“Leje për dalje për këmbësor/punë/arsye shëndetësore”, është një shërbim elektronik, i cili u mundëson qytetarëve të aplikojnë online për t’u pajisur me leje për të dalë nga banesa e tyre për arsye të ndryshme.
