Deputetja e Partisë së Lirisë, Monika Kryemadhi, nuk e ka mohuar faktin se i kushton vëmendje të veçantë pamjes së jashtme. Gazetarja Eni Vasili e ka ngacmuar, duke i thënë se është e dukshme që “ka ardhur në formë” dhe “duket shumë mirë”, por Kryemadhi modestinë ia ka faturuar gjeneve.
Në emisionin “Open”, ajo tha se është e rëndësishme që shqiptarët të kujdesen si për look-un dhe për shëndetin e tyre, teksa fliste për akuzat se ka shpenzuar qindra-mijëra euro për ndërhyrje estetike.
Eni Vasili: Ke ardhur pak në formë, nuk mund të mos e themi. Je shumë mirë…
Monika Kryemadhi: Është edhe një çik gjenetike. Prandaj Edi Rama thotë merruni me operacione plastike, se ato janë shkrimet më të klikuara.
Eni Vasili: Do na e thuash sekretin?
Monika Kryemadhi: Shqiptarët merren më shumë se çfarë vesh, dhe si duket një politikan se sa me skandalet e mëdha, inceneratorët…ajo dihet.
Kryemadhi i është përgjigjur akuzave për shpenzimin e shumave të mëdha të parave për ndërhyrje estetike, duke i quajtur si të pabesueshme dhe qesharake. Kryemadhi tha se ka kryer ndërhyrje në San Marino dhe Vienë për kistin në kokë dhe të gjtha i ka deklaruar në ILKDP-i.
Në emisionin “Open”, Kryemadhi zbuloi dhe një episod të pazakontë, duke thënë se teksa po i dilte narkoza nga operacioni, iu shfaq në ëndërr Sali Berisha.
“Kam bërë edhe një cist në kokë, madje kur më ka dalë narkoza, i kam thënë edhe Ilirit, më ka dalë në ëndërr Sali Berisha. Janë të gjitha të deklaruara te ILKDPI-ja. Por është teoria shpif dhe bëj me baltë se diçka do të mbetet. Për pastrim parash hetohet vajza ime e vogël, me akuzën e WC-së së Edi Ramës që është Halit Valteri.
Unë do kërkoj të hetohet për vëllain e Edi Ramës, gruan e Edi Ramës. Nënën e Erion Veliajt, gruan e Veliajt…”, deklaroi Kryemadhi.
Më herët, Monika Kryemadhi mohoi pagesën 286 mijë euro për ndërhyrje estetike. Deputetja e Partisë së Lirisë, Monika Kryemadhi ka hedhur poshtë akuzat se ajo, Ilir Meta, dhe fëmijët e tyre kanë kryer trajtime estetike që arrijnë vlera marramendëse. Ajo shtoi se pas këtyre akuzave, qëndrojnë ata të cilët kanë kryer miliona euro evazion fiskal në inceneratorin e Tiranës.
