Një person i dyshuar me koronavirus sapo ka mbërritur në ambientet e Spitalit Infektiv.
Raportohet se pacienti është transportuar me masa të larta sigurie në Infektiv.
“Bëhet fjalë për një burrë të moshës rreth 40-50 vjeç që është sjellë nga autoambulanca e dedikuar e Urgjencës Kombëtare dhe personeli i veshur me kostumin e posaçëm”, shkruan “Balkanweb”.
Kujtojmë se në Shqipëri aktualisht 11 persona janë të konfirmuar me koronavirus, ndërkohë mesditën e sotme një person ndërroi jetë pasi nuk arriti të përballonte simptomat e rënda.
Si të kujdeseni për veten?
Aktualisht nuk ka vaksinë për të parandaluar COVID-19. Mënyra më e mirë për të parandaluar sëmundjen është të shmangni ekspozimin ndaj këtij virusi. CDC rekomandon disa veprime të përditshme për të ndihmuar në parandalimin e përhapjes së virusit:
-Shmangni kontaktin e ngushtë me njerëzit që janë të sëmurë.
-Shmangni prekjen e syve, hundës dhe gojës.
-Qëndroni në shtëpi kur jeni të sëmurë.
-Kur të kolliteni apo teshtini vendosni para një shami dhe më pas hidheni tek mbeturinat.
-Pastroni dhe dezinfektoni objektet dhe sipërfaqet e prekura shpesh.
-CDC nuk rekomandon që njerëzit që vendosin maska në fytyrë për t’u mbrojtur nga COVID-19. Përdorimi i maskave është i rëndësishëm për personelin mjekësor.
-Lani duart shpesh me sapun dhe ujë për të paktën 20 sekonda; veçanërisht pasi keni shkuar në tualet; para se të ushqeheni si dhe pasi të kolliteni apo teshtiteni.
