Menjëherë pas shpalljes të Tiranës kampione, tifozët bardheblu kane qenë të papërmbajtur, ndërsa kanë dalë për të festuar te Sheshi “Nënë Tereza”.
Sakaq, të shumtë kanë qenë tifozët të cilët kanë vijuar festën në rrugët e kryeqytetit. Por gëzimi nuk mund të zgjaste gjatë, pasi policia ka ndërhyrë, ndërsa po jetojmë në periudhë pandemie.
Në orët e vona të mbrëmjes ka pasur tension mes tifozëve dhe policisë, me këta të fundit që kanë vendosur edhe të arrestojnë tifozë, duke krijuar irritim tek pjesa tjetër.
Dy ndeshje përpara përfundimit të Kategorisë Superiore, kryeqytetasit janë shpallur kampion.
Kjo vjen pas humbjes së skuadrës së Kukësit mbrëmjen e djeshme përballë Vllaznisë me rezultatin 1-0.
Humbja e ka shtuar diferencën e pikëve mes dy vendeve të para, ku Tirana kryeson me 69 pikë, 7 pikë larg Kukësit. Tirana i kthehet titullit kampion pas 11 vitesh.
