Një pasagjer britanik është arrestuar, pasi ka goditur me grushta udhëtarët e tjerë dhe madje edhe pilotin gjatë një fluturimi të Wizz Air për në Kretë.
Përleshja masive filloi menjëherë pasi avioni u ul në ishullin grek. Pasagjeri dhe shoku i tij u sollën keq gjatë gjithë fluturimit, dhe sherri nisi kur iu tha se policia do ta shoqëronte në aeroport, sipas dëshmitarëve.
Turistët thanë se ata pinin duhan dhe ishin të dehur para se të hipnin në aeroplan. Stjuardesat vazhduan t’u shërbenin alkool, pavarësisht se dyshja pretendonin se kishin pirë që nga ora 10 e mëngjesit. Më pas, piloti doli nga kabina e tij në një përpjekje për të qetësuar situatën, por më pas ai u godit, thanë dëshmitarët.
Policia përfundimisht e tërhoqi zvarrë burrin e njollosur me gjak. Pamjet dramatike tregojnë pasagjerët që bërtasin, duke kërkuar që agresori të largohet nga avioni.
Një grua, 37 vjeç, duke udhëtuar për në Kretë me burrin e saj, i tha “The Sun”: “Burri dhe shoku i tij kishin qenë kaq të zhurmshëm dhe abuziv gjatë gjithë fluturimit”.
Disa pasagjerë u arratisën nga dalja e pasme, por më pas iu desh të prisnin dy orë ndërsa ata dhanë deklaratat tek policia, që do të thotë se shumë humbën transfertat e tyre. Britanikët e bllokuar duhej të prisnin edhe 24 orë të tjera për fluturimin e radhës për në shtëpi.
Burimi i lajmit: dailymail. Përshtatur nga Tirana Today
