Analisti Moikom Zeqo është shprehur se procedura për shkarkimin e Metës, nuk do të jetë aq e thjeshtë dhe vetëm Gjykata Kushtetuese mund të përshpejtojë këtë. I ftuar në studion e lajmeve të “Report Tv”, Zeqo teksa ka komentuar situatën e nderë politike, ka deklaruar se nga kjo krizë mund të shkrihen edhe parti të mëdha siç janë LSI apo PD, që prej muajsh janë në protestë për të rrëzuar qeverinë. Duke vënë në dukje se jemi përballë një kolapsi politik, ai tha se zgjidhja vjen vetëm nga ndërkombëtarët.
“Mendoj se do të jetë një krizë e zgjatur. Nuk është aq shpejt e zgjidhshme, duhet të ketë një ndërhyrje ndërkombëtarësh. Ne jeni përball një kolapsi politik.
Këtu nuk funksionon opozita dhe vetvetiu as qeveria. Filloi me ekstremin e djegies së mandatave…do të kemi një vdekje partish, Mediu, Dash Shehu, do të ketë një vdekje të partive edhe më të mëdha, ndoshta edhe LSI edhe PD, por do të dëmtojë edhe PS. Do të pasohet nga një klasë e re”.
