Shefja e politikës së jashtme të BE-së, Federica Mogherini, duke folur në ceremoninë e hapjes së një konference mbi Sirinë të organizuar nga BE dhe OKB në Bruksel, theksoi se do të transferohen 1,5 miliardë euro nga pjesa e dytë prej 3 miliardë eurove të premtuara për sirianët në Turqi.
“Do të doja të konfirmoja se do të transferojmë 1,5 miliardë euro nga 3 miliardë eurot e dyta për sirianët në Turqi”, tha Mogherini.
Ndër të tjera, Mogherini u shpreh se zgjidhja në Siri nuk mund të jetë ushtarake, por politike.
Siria është përfshirë nga një luftë shkatërruese civile që nga fillimi i vitit 2011, kur regjimi i Bashar al-Asadit ndërmori akte dhune gjatë protestave pro-demokratike, për pasojë, qindra mijëra njerëz janë vrarë dhe më shumë se dhjetë milionë të tjerë janë zhvendosur.
