Mjeku i urgjencës, Tritan Kalo, ka shprehur shqetësimin lidhur me fluksin në urgjencën e Qendrës Spitalore Universitare “Nënë Tereza”. Ai ka thënë për mediat se fluksi është dy herë më shumë sesa vitin e shkuar, dhe se pacientët nuk duhet të drejtohen në urgjencë, por të informohen për të shmangur radhët.
“Urgjenca ka 15 shtretër, ç’ka bën që të mos u japim dot ndihmë të gjithëve në një kohë. Fluksi krijon incidente. Të merren masa.
Një fluks i tillë është i papërballueshëm në spitalet tona, i cili është dy herë më i lartë se vitin e kaluar. Krijoni mundësi atyre që vërtetë kanë nevojë për të ardhur.
Vijnë pacientë në QSUT me dy orë temperaturë. Një pjesë duhet ti drejtohen qendrave spitalore pranë qendrave të banimit”, u shpreh mjeku Tritan Kalo.
