Ministrja e Shëndetësisë dhe Mbrojtjes Sociale, Ogerta Manastirliu bën me dije se mjeku Roland Xhaxho është shëruar nga koronavirusi.
Përmes një postimi në Facebook, Manastirliu njofton se Xhaxho do të dalë nga spitali Infektiv shumë shpejt.
Ministrja sqaron kështu se shkon në 40 numri i personave nga personeli shëndetësor, që shërohen nga COVID-19. Ndërkohë në total janë shëruar 327 persona të prekur nga koronavirusi në Shqipëri.
Në 24 orët e fundit në vend u konfirmuan edhe 22 raste të reja, duke e cuar në 584 numrin total të rasteve me koronavirus. Aktualisht në vendin tonë janë 231 persona të infektuar aktivë.
Ndërsa 26 persona kanë humbur jetën si pasojë e këtij virusi.
Postimi i plotë:
Më gëzon pa masë lajmi se dr. Roland Xhaxho është shëruar nga #COVID19 dhe së shpejti do të lërë spitalin infektiv ??
Janë 4️0 personel shëndetësor të #shëruar nga COVID-19 ✅
Deri tani janë 3️27 pacientë dhe staf mjekësor që e kanë fituar betejën me ?#COVID-19?
