Një deklaratë e rëndë është dhënë mbrëmjen e djeshme nga mjeku Artan Koni, i cili tha në “Tempora” në RTV Ora, se asnjë media nuk është lejuar që të futet në spitalet private. Ai zbuloi se pacientët që shtrohen me COVID-19 u merret telefoni që të mos bëhen video dhe foto, e të mos komunikojnë më familjarët.
“Ju si media dhe asnjë media nuk ka arritur që të futet brenda spitalit. Çfarë ndodh aty është burg i sigurisë së lartë, bëhen eksperimente? Pacientët që shtrohen u merret telefoni që të mos bëhen video dhe foto, e të mos komunikojnë më familjarët.
Ishin disa spitale private që donin të bënin testet, por nuk lejoheshin. Marr 127-tën dhe më thonë që nuk mund ta bësh testin se nuk je aq rëndë. Por po qesh rëndë nuk po vi fare, se me shumë mundësi po ia shpërndajmë gjithë lagjes”.
