Për paga më të larta, të rinjtë e mjekësisë nuk e mendojnë dy herë, por marrin valixhet dhe ikin jashtë vendit. Gjatë viteve të fundit, destinacioni më i preferuar ka qenë Gjermania për një sërë arsyesh, duke nisur nga pagat më të larta, mbingarkesën në punë, mbrojtje më të mirë ligjore etj.
Për shkak edhe të pagave të ulëta, bluzat e bardha i drejtohen ryshfetit, duke denigruar figurën e mjekut.
Fillimet e pandemisë frenuan disi ikjen e bluzave të bardha drejt Gjermanisë. Duket se preferencat e mjekëve kanë ndryshuar, pasi vendi i tyre i preferuar tashmë është Anglia duke lënë pas Gjermaminë.
Anglia ofron pagat më të larta edhe sa Gjermania dhe Italia e cila i punëson pa i futur më parë në provim. Shumë prej tyre pasi punojnë për pak në vende të BE, kalojnë në Suedi dhe Norvegji.
Teksa infermierët e fizioterapistët por edhe radiologët shqiptarë largohen për paga më të larta, në sistemin tonë shëndetësor krijohen boshllëqe të cilat mbushen me studentë të cilët sapo kanë përfunduar studimet. Vitet e fundit, sistemi shëndetësor në Shqipëri ka përjetuar një krizë të thellë besimi te trupa e mjekëve. Sa i takon statistikave, në vitin 2021 pothuajse është trefishuar kërkesa për të lënë sistemin shëndetësor shqiptar, e për tu punësuar në vende të BE-së.
