Deputetja demokrate, Flutura Açka, pasi ka marrë fjalën e saj në Kuvend, ka nisur që të imitojë kafshët. Me tone ironike ajo tha se dhe gomari që pëllet, kërkon më shumë minuta se sa i japin për të folur në foltore.
Teksa i doli në mbrojtje Sandër Kovaçit që drejton protestën e pedagogëve, tha se qeveria gjurmon këdo në rrjetet sociale. Ajo madje solli rastin konkret, duke përmendur faktin se edhe ajo është gjurmuar, si çdo shqiptar tjetër. E madje shkon edhe më tej se një edukatore do ishte pushuar nga puna, vetëm sepse kishte shprehur me një “like” në profilin e deputetes demokrate.
“Mbani shënim se çfarë bëhet në fermën pllenare këtu. Edhe gomari jashtë ka më shumë kohë për të pëllitur se 4 minutat që më japin mua.
Jeni shitës të mirë të katastrofave, e bëtë më tërmetin dhe pandeminë dhe po e bëni me luftën. E dyta që keni është vjedhja dhe vjellja.
Vjedh atje e gjithë këto firma e vota dhe vill kundër opozitës, që në mengjes keni vjellë këtu kundër opozitës, kundër protestuesve se shkoni i gjeni nënën e motrën ku i kanë.
Çfarë bëni me pedagogët, ka qenë në SHIK tha, punë e mirë është. Ai ka të drejtë të protestojë. Jo të shkosh e ta gjurmosh njeriun. Gjurmoni çdo shqiptar në Facebook duke nisur nga mua, donit të pushonit edukatoren se më bëri like në Facebook”, u shpreh Açka.
