Javën e ardhshme pritet të nënshkruhet me qeverinë kineze protokolli që i hap rrugë eksportit të mjaltit nga Shqipëria. Këtë e ka bërë të ditur vetë ministri i Bujqësisë, Bledi Çuçi.
Gjatë një vizite tek një bletërritës në Zadrimë, Çuçi theksoi se shumë shpejt mjalti shqiptar do të shitet edhe në tregun kinez. Ndërsa shtoi se subvencionet për këtë sektor do të jenë në rritje, me qëllim për të nxitur këtë lloj aktiviteti.
“Bletaria është një nga sektorët më të rëndësishëm dhe mund t’ju them që përveç subvencionet, e reja këtë vit është se nga kriteri që kishim vjet për 100 koshere për të përfituar subvencion e ulëm në 50 por kemi kërkesa akoma që të ulet në 30 për vetë natyrën dhe mënyrën sesi mbahen bletët. Përveç subvencionit nga shteti po mendojmë të gjejmë dhe tregje për shitjen e mjaltit.
Bletaria në Shqipëri ka një traditë të hershme. Mjalti i prodhuar në vendin tonë shquhet për cilësi kurative dhe vlera të larta ushqyese për shkak të natyrës dhe klimës që ka vendi ynë”, deklaroi Bledi Çuçi.
