Përmes disa komenteve të bëra publike në të përditshme “Politico”, Erdogan i është drejtuar për ndihmë Evropës. Ai u ka kërkuar shteteve evropiane që mbështesin ushtarakisht misionin turk që po zhvillohet në Libi.
Ankaraja zyrtare është në mbështetje të kryeministrit Fayez al-Serraj, me bazë në Tripoli, i cili është përfshirë në luftime të ashpra me gjeneralin “rebel” Khalifa Haftar. Më herët, kryeministri i Libisë i është drejtuar për ndihmë edhe OKB-së për këtë situatë.
Nga ana tjetër, Gjermani dhe OKB-ja po punojnë që të arrijnë një armëpushim ndërmjet palëve në konflikt. Sipas tyre, ekziston përmasa që të gjendet një zgjidhje nëpërmjet rrugëve diplomatike.
“Duke pasur parasysh që Evropa është më pak e interesuar që të ofrojë përkrahje ushtarake në Libi, zgjedhja e qartë është bashkëpunimi me Turqinë, e cila tashmë ka premtuar ndihmë ushtarake”, shkroi Erdogan. Do t’i trajnojmë forcat libiane të sigurisë dhe do t’i ndihmojmë ato që t’i luftojnë terrorizmin, trafikimin e njerëzve dhe kërcënimet e tjera serioze ndaj sigurisë ndërkombëtare”, shkruan “Reuters”.
