Mishel Lotito, francezi që hante çdo ditë metale dhe xhama

Në dimë që acidet në stomakun tonë janë aq të forta sa mund të tretin edhe një brisk çeliku. Por askush nuk guxon të hajë çdo lloj metali që i del përpara. Megjithatë këtë bënte rregullisht francezi Mishel Lotito.

Që në moshën 9-vjeçare, ai zbuloi se kishte një tolerancë të pazakontë ndaj ngrënies së objekteve të rrezikshme prej qelqi dhe metali.

Kur u vizitua në spital, mjekët konstatuan aftësinë e tij unike, për të konsumuar materiale të forta. Ai kishte acide shumë të forta në stomak, si dhe një zorrë shumë më të trashë se normalja.

Që nga viti 1966 ai konsumoi 18 biçikleta, 15 karroca supermarketi, 7 televizorë, 6 llambadarë, 2 shtretër metalikë, 1 palë ski, dhe 1 kompjuter.

Vlerësohet se deri në tetorin e vitit 1997, ai kishte ngrënë gati 9 ton metal. Kulmin e mbërriti në vitin 1978, kur hëngri një avion të tërë të llojit “Cessna 150”.

Sigurisht jo në një vakt, por në 2 vite. Lotito vdiq nga shkaqe natyrore në vitin 2007, në moshën 57-vjeçare.

                                            TIRANA TODAY