E hënë, 24 Janar, 2022
-0.5 C
Tirana

Miratohet fondi për Teatrin e ri, Budina: Pështymë në fytyrën e drejtësisë!

Vendimi i qeverisë shqiptare për miratimin e buxhetit për Teatrin e ri Kombëtar ka sjellë reagimin e grupimit për Teatrin. Sipas regjisorit Edmond Budina, aktivist i hershëm dhe ndër kryesorët për mbrojtjen e godinës së Teatrit Kombëtar dhe më pas dhe i kauzës së Teatrit, ky vendim është një pështymë në fytyrën e drejtësisë shqiptare, pasi vjen para vendimit të Gjykatës Kushtetuese lidhur me shembjen e Teatrit në 17 maj 2020.

Edmond Budina: “Këtë akt normativ të Këshillit të Ministrave unë e quaj një pështymë në fytyrë të drejtësisë shqiptare. E quaj një turp të madh që pa pritur ende vendimin e Gjykatës Kushtetuese ata marrin vendime. Është prepotencë, dhunë kundrejt një sistemi drejtësie që e kanë bërë vetë.”

Ai pohoi se lufta për Teatrin do të vazhdojë deri në ndërkombëtarizim të çështjes, nëse drejtësia nuk vihet në vend.

“Ne do vazhdojmë luftën tonë. Askush të mos mendojë se ne do të tërhiqemi. Nëse nuk merret një vendim i drejtë për Teatrin Kombëtar ne do shkojmë në instanca ndërkombëtare dhe kjo çështje do ndërkombëtarizohet shumë herë më tepër.

Në fund Budina përsërit një fjali shqetësuese që aktivistët për Teatrin e kanë artikuluar që në fillim: “Teatri Kombëtar është një çështje e madhe korruptive, askush nuk na e mbyll dot gojën.”

Nga ana tjetër aktivistja e së njëjtës kauzë, Adriana Kalaja i kërkoi Gjykatës Kushtetuese të përshpejtojë procedurat për marrjen e vendimit mbi padinë e Presidentit Meta lidhur me Teatrin Kombëtar.

- Reklama -

Më shumë nga kategoria




Të fundit

Sulm ajror në burgun e Jemenit, të paktën 70 të vrarë

Të paktën 70 njerëz u vranë në një sulm ajror në një burg, dhe të paktën tre fëmijë vdiqën në një bombardim të veçantë,...

Shtetet e Bashkuara pezullojnë 44 fluturime të linjave ajrore kineze

Qeveria e Shteteve të Bashkuara njoftoi të premten pezullimin e 44 fluturimeve ajrore të katër kompanive kineze nga Shtetet e Bashkuara drejt Kinës. Pezullimi...

Caktohet data për zgjedhjet në FSHF

FSHF u ka dhënë fund dilemave, pasi është caktuar data e zgjedhjeve për president. Federata Shqiptare e Futbollit, i ka dhënë fund dyshimeve rreth...

Kosova sërish vend i rrezikut të lartë për Gjermaninë

Varianti Omikron ka shtuar ndjeshëm shifrat e infektimeve në Kosovë. Nga dita e dielë (23.01; 00:00) Kosova futet sërish në listën e vendeve të...

Armët vdekjeprurëse amerikane mbërrijnë në Ukrainë

Rreth 90 ton "ndihma vdekjeprurëse" nga SHBA-ja kanë mbërritur në Ukrainë, mes tensioneve për grumbullimin e trupave ruse në kufi. Kjo ishte dërgesa e...