Teksa PD-LSI kërkuan kohë për tu menduar mbi “listat e hapura”, Rama ua bën të qartë se duhet të ulen në tryezë, pa humbur asnjë ditë.
“Miqtë opojashtëparlamentarë duhet të mos shohin gishtin kur gishti tregon hënën! Në 30 korrik do të kemi risi kushtetuese, mbi të cilat duhet të ulemi pa humbur asnjë ditë.
Prandaj të pranojnë realitetin e të mos e kushtëzojnë Këshillin Politik si Kuvendin dikur, se nuk funksionon!”, shkruan kryeministri Rama në Twitter.
Miqtë opojashtëparlamentarë duhet të mos shohin gishtin kur gishti tregon hënën! Në 30 korrik do të kemi risi kushtetuese mbi të cilat duhet të ulemi pa humbur asnjë ditë.Prandaj të pranojnë realitetin e të mos e kushtëzojnë Këshillin Politik si Kuvendin dikur,se nuk funksionon!
— Edi Rama (@ediramaal) July 22, 2020
Kreu i qeverisë Edi Rama propozoi që Këshilli Politik të mblidhej sot në orën 17:00. Ndaj kësaj ftese erdhi përgjigjja nga ana e opozitës.
Përmes një e-maili, në emër të opozitës së bashkuar, Oerd Bylykbashi dhe Petrit Vasili kanë kërkuar që mbledhja të zhvillohet nesër në orën 17:00, ose të premten në orën 11:00.
