Në një konferencë të përbashkët për shtyp me zëvendëskryeministrin, Arben Ahmetajn, Ministrja Gjermane për Evropën dhe Klimën, Anna Luhrmann, u shpreh se Shqipëria ka bërë hapa përpara në luftën kundër korrupsionit dhe krimit të organizuar. Ajo nënvizoi se procesi i Vettingut ka dhënë një kontribut të rëndësishëm në forcimin e sistemit të drejtësisë. Sipas saj, që këto reforma të mos bëjnë hapa prapa, janë të nevojshëm përfshirja në këto procese e qeverisë dhe opozitës.
“Këtë vit kur Shqipëria ulet për herë të parë në Këshillin e Sigurimit në OKB, ne gëzohemi që mund të mbështetemi tek Shqipëria si një partner i besueshëm. Shqipëria ka bërë hapa të mëdhenj përpara në konsolidimin e demokracisë dhe të drejtave të njeriut.
Po kështu janë ngritur struktura për një përballje të vendosur me korrupsionin dhe krimin e organizuar. Dhe kjo meriton një respekt të madh, zyrtarë të lartë dhe pjesëtar të rrjeteve të krimit të organizuar janë dërguar pas bankës të të akuzuarve dhe janë dënuar.
Procesi i Vettingut ka dhënë një kontribut të rëndësishëm në forcimin e sistemit të drejtësisë. Në këtë rrugë duhet të vijohet me vendosmëri. Këtu janë të nevojshme si qeveria ashtu dhe opozita. Hapat pas do ta dëmtonin qartë procesin e reformave”, tha Luhrmann.
