Ministri shqiptar i Ekonomisë në Maqedoninë e Veriut, Kreshinik Bekteshi, ka rezultuar pozitiv me koronavirus.
Lajmin e ka bërë të ditur vetë ministri përmes një postimi në rrjetet sociale. Bekteshi bën me dije se nuk ka asnjë somptomë dhe se të gjithë familjarët e tij kanë rezultuar negativë.
Postimi i plotë:
Të nderuar miq,familjarë
Dua t’ju njoftoj që edhe përkundër përpjekjeve maksimale dhe respektimit të protokoleve sapo më informuan se kam rezultuar pozitiv me COVID-19, nga testimi i bërë sot paradite.
Fatmirësisht nuk kam asnjë simptomë dhe familjarët në testimin e sotshëm që të gjithë janë negativ.
Duke ju bërë thirrje që të respektojmë protokolet, dëshiroj çdo të mirë për ju dhe familjet tuaja!
Bashkë, edhe me mbështetjen tuaj, do ta tejkalojmë edhe këtë sfidë!
Shëndet e mbarësi për të gjithë!
