Edi Paloka ka sërish pyetje për Ministrin për Europën dhe Punët e Jashtme Ditmir Bushati.
Pas replikave të para, Paloka ka reaguar sërish dhe i ka kërkuar disa përgjigje deputetit të zgjedhur në Shkodër, vend ku operonte dhe grupi kriminal i Bajrave që u godit nga policia në kuadër të operacionit “Forca e ligjit”.
STATUSI I PALOKËS
Meqë ministri i Ramës vendosi të ‘flasë’ dhe po tund flamurin e fitores kundër krimit në Shkodër, pse nuk i përgjigjet disa pyetjeve të tjera:
– Sa herë është takuar me Bajrot?
– Sa herë i ka përdorur për të kërcënuar përfaqësues dhe votues të opozitës?
– Sa vota ju ka kërkuar në zgjedhje që t’i bëjnë me “mënyrën e tyre”?
– Sa herë ju ka çuar “selam” në emër të Ramës?
– Çfarë date mban komunikimi i fundit i tij me Bajrot?
“A ju ka dalë në përgjim emri i ministrit?”, PD ngre pyetjen për hetimet ndaj grupit ‘Bajri’
Nënkryetari i PD-së, deputeti demokrat Edi Paloka ka ngritur një konspiracion pas publikimittë detajeve nga operacioni i “Forcës së ligjit” ku u godit grupi kriminal i Safet Bajrit dhe u arrestuan 11 persona.
Në një status në “Facebook” Paloka nënvizon deklaratën e policisë për përgjimet dhe pyet nëse në ndonjë përgjim ka dalë ministri i Jashtëm Ditmir Bushati. Nënkryetari i PD vë në dyshim edhe përgjimet e tjera.
“Paska dalë Drejtori i Policisë, i emëruari i Agron Xhafajt, për të deklaruar suksesin e policisë në arrestimin e Bajrajve.
‘Kemi 6 muaj që i përgjojmë’- thuhet në deklaratë.
Një pyetje kam për ata që paskan përgjuar; a ju ka dale në ndonjë përgjim Ditmir Bushati, apo dhe atë e keni fshehur si keni bërë me përgjimet e tjera…?”, deklaroi Paloka.
