Ish-kryeparlamentarja Jozefina Topalli, ka ngritur alarmin se borxhi publik po kthehet në një rrezik më të madh se sa pandemia e COVID-19. Në një analizë të shpërndarë në rrjetet sociale, ajo thotë se buxheti i shtetit i 2021 ka kaluar pa zhurmë, kur në fakt përbën një alarm.
Topalli e konsideron atë një minë me sahat, dhe shikon si të vetmen rrugë largimin e kryeministrit Rama, dhe atyre që e mbajnë atë në pushtet.
Jozefina Topalli, një prej të larguarve nga Partia Demokratike, edhe pse është rikthyer me një tjetër parti “Lëvizja për Ndryshim”, thotë se as nuk ka shpresë dhe as nuk mund të pritet perspektivë nëse nuk largojnë Ramën.
Statusi
Borxhi po kthehet ne nje rrezik edhe me te madh se pandemia! Buxheti i shtetit i 2021 ka kaluar pa zhurme, kur ne fakt ai perben nje alarm.
Mina me sahat mbetet borxhi publik. Eshte pranuar që ai u rrit këtë vit dhe zyrtarisht ka arritur në 80% të Prodhimit të Brendshëm Bruto.
Duke përfshirë dhe detyrimet e prapambetur dhe detyrimet jashtë bilanci të PPP-ve, borxhi real pritet të kalojë 90% të PBB-së, duke arritur në nivele të paqëndrueshme, duke u kthyer në një rrezik edhe më të madh se pandemia, në momentin që kjo e fundit, me shpresë, do të mbarojë dhe vendi do të përqendrohet te rimëkëmbja.
Sipas analisteve te ekonomise:
-“Paradoksi tjetër është që angazhimi kontraktual me koncesionet i lë më pak hapësirë buxhetit që të përdorë paratë e taksapaguesve në emergjencën e krijuar nga Covid-19. Ironikisht, fondet e parashikuara në buxhet për përballimin e pandemisë janë po rreth 14.2 miliardë lekë (7.2 miliardë lekë për shëndetësinë, 4.5 miliardë lekë për rritjen e pagave të mjekëve dhe 2.5 miliardë lekë për rritjen e asistencës dhe papunësisë).
Ne projektbuxhetin e vitit 2021, fondi në dispozicion për 13 kontrata koncesionare aktive, sipas parashikimeve në relacionin e projektbuxhetit 2021 është 14.5 miliardë lekë (gati 120 mln euro), me rritje 42% në krahasim me 2020-n. Gjithnjë e më shumë po bëhet e qartë se në pjesën më të madhe, në këto kontrata, risku financiar është marrë përsipër nga shteti (vlera e disa prej tyre vijon të rritet çdo vit), ndërsa raporti kosto – përfitime nuk po anon nga taksapaguesit.
-Mungesa e transparencës për rindërtimin është një tjetër element. Buxheti parashikon një fond për rindërtimin prej 28 miliardë lekësh (rreth 230 milionë euro), por në tabelat dhe relacionin e tij nuk është bërë asnjë parashikim i detajuar, për mënyrën se si do të shpenzohen fondet.”
Pabarazie dhe pasiguria jane binomi i trishtimit dhe i ikjes nga ky vend.
As nuk ka shprese as nuk ka me perspektive nese nuk largojme Edi Ramen dhe ata qe e mbajne ne qeveri per interesat e tyre financiare!
