Një qytetar nga Miloti i është drejtuar emisionit “Stop”, pasi në 25 janar 2019 është gjobitur nga policia bashkiake e Tiranës me një gjobë në vlerën 20 mijë lekë të vjetra.
Po atë ditë e ka paguar gjobën në postën e Laçit, dhe ka edhe mandatin për këtë pagesë. Këtë vit e ndalon policia dhe i thotë se ka një gjobë të papaguar në sistem, që i takon datës 25 janar 2020.
Në postën e Laçit, ku është bërë pagesa, punonjësja shpjegon se hedhja e gjobës është bërë manualisht në sistem, rezulton një serial tjetër nga ai që ka paguar zotëria. Në policinë bashkiake në Tiranë, Gentian Vocaj, shef i qarkullimit, thotë se bëhet fjalë për një gabim njerëzor të punonjëses së postës në hedhjen e të dhënave dhe çliron qytetarin nga detyrimi. /tvklan.al
