Ministri i Jashtëm grek, Nikos Dendias pritet të vizitojë sot Tiranën.
Në takimet me krerët epolitikës shqiptare, temë diskutimi, mes të tjerash do jetë edhe demilitimi i ujërave territoriale.
Për ish-Ministrin e Jashtëm dhe profesorin, Paskal Milo, është e pamundur zgjerimi i ujrave territoriale deri ne 12 milje të Greqisë në detin Jon, pa pasur marrëveshje me shtetin fqinj, në këtë rast me Shqipërinë.
Milo deklaroi se Greqia ka të drejtë të zgjerohet deri në 12 milje ujrat e saj, por kjo e drejtë duhet parë se si zbatohet në kushte konkret.
‘‘Greqia në detin Jon, në kufijtë me Shqipërinë nuk e ka mundësinë që t’i zbatojë ato 12 milje si kufi detar, nuk e ka atë mundësi. Për sa kohë që nuk e ka atë mundësi, nuk ka se si ta zbatojë sepse ka edhe një pikë në Konventën e “Montego Bay” që thuhet se atje ku ka atë mundësi duhet patjetër të ketë marrëveshje me shtetin fqinj bregdetar.’’, tha Milo në ABC News.
