Gazeta prestigjoze amerikane, “The New York Times”, ka ironizuar teoritë konspirative kundër vaksinave të koronavirusit, duke raportuar se vaksina e kompanive “Pfizer” dhe “BioNTech” nuk përmban mikroçipa.
Më pas, në një artikull tregohen të gjithë përbërësit e vaksinës, që ka sjellë shpresë në të gjithë botën.
Vaksina e këtyre kompanive ka në total 10 përbërës. Përbërës aktiv, është një molekulë e quajtur “ARN-ja lajmëtare” ose mRNA, e cila përmban udhëzime gjenetike për proteinën e koronavirusit të quajtur majë.
Molekula RNA, i udhëzon qelizat njerëzore që të prodhojnë maja. Kjo e ndihmon organizmin që të njohë një ndër tiparet e virusit, dhe kështu virusi të njihet dhe të pengohet, nëse përpiqet të formojë infeksion, shkruan ”The New York Times”.
Vaksina e Pfizerit ka edhe nëntë përbërës tjerë të cilat janë:
-Katër lipide: Kolesterolin dhe tri lipide me emra shumë të ndërlikuar kimikë që formojnë një balonë mbrojtëse rreth mRNA-së
-Sakarozë (sheqer i zakonshëm)
-Katër kripëra: klorur të kaliumit, fosfat monobazik të kaliumit, dihidrat fosfat të sodiumit dhe kripë
Asnjëri nga këta përbërës nuk përmban mikroçipa dhe as nuk u ngjan atyre. Ata janë përbërës të zakonshëm kimikë që gjenden në vaksina dhe ilaçe të ndryshme që janë përdorur për një kohë të gjatë.
Kripërat në vaksinë e ndihmojnë që përmbajtjen e saj ta lidh me mjedisin e organizmit të njeriut, i cili e përmban përzierjen e vet të kripërave natyrale.
