Kryetarja e LSI-së, Monika Kryemadhi, gjatë një interviste në “Pasdite me Xhaxhiun” në Fax News, tha se Metës i ka ardhur në majë të hundës me ndërkombëtarët. Ajo u shpreh se ndërkombëtarët nuk paguajnë asnjë taksë në vendin tonë. Po kështu ajo shtoi se gjithmonë i ka kundërshtuar për mënyrën e njëanshme në formimin e institucioneve.
“Ata të huajt nuk paguajnë asnjë taksë këtu në Shqipëri, përkundrazi fitojnë më shumë. Presidenti ka diskursin e vet politik dhe diplomatik. Monika Kryemadhi është politikania e parë që ka kundërshtuar mënyrën e njëanshme të ambasadorëve në formimin e institucioneve.
Nëse presidenti mban një qëndrim të tillë, mund ta pyesni, por me sa duket i ka ardhur edhe atij në majë të hundës, sepse është shumë i qetë dhe diplomat. Por kur shpërthen Ilir Meta, do të thotë se i ka ardhur në majë të hundës”.
