Presidenti Ilir Meta ka treguar arsyen se pse ai iu nënshtrua testit për koronavirusin.
Në një intervistë për News24, Meta tha se në palestrën e tij një person u identifikua pozitiv me koronavirus, prandaj edhe ai vendosi që të bënte analizat.
Kreu i shtetit pohoi se e njihte qytetarin në fjalë, por shtoi se nuk i kishte dhënë atij dorën.
“Unë bëra testin pasi mora informacion se kisha qenë në një palestër ku kishte rezultuar një qytetar që unë e njihja por nuk ja kisha dorën. U informova se kishte rezultuar pozitiv”, tha ai.
Kujtojmë se deri më tani në Shqipëri janë shënuar 55 raste me koronavirus, nga të cilët ka ndërruar jetë një e moshuar në Durrës.
Prej ditësh tashmë vendi ndodhet nën izolim, në mënyrë që të frenohet përhapja e këtij virusi vdekjeprurës.
