Në vijim të takimeve që ka nisur për situatën politike, presidenti Ilir Meta pret sot në Presidencë ish-kryeministrin Sali Berisha. Mësohet se takimi mes tyre do të zhvillohet në orën 12:00.
Ditën e djeshme, kreu i shtetit zhvilloi takime me ish-presidentin Rexhep Meidani dhe krerët e partive opozitare që dogjën mandatin e deputetit.
Në njoftimin që publikoi dje në “Facebook”, Meta u shpreh se gjatë takimit me Meidanin, ata kanë diskutuar për zhvillimet më të fundit në vend. Por dhe për rëndësinë e zgjidhjes së krizës së rëndë politike dhe institucionale.
Sakaq, presidenti firmosi të martën edhe kallëzimin penal të premtuar ndaj Kryetarit të Këshillit të Emërimeve në Drejtësi, Ardian Dvorani.
