Presidenti Ilir Meta ka takuar sot sekretarin Amerikan të Shtetit Michael Pompeo.
Përmes një postimi në Facebook, Meta shprehet se ka marrë pjesë në Mëngjesin e Lutjeve në Washington, ku ka dëgjuar dhe fjalimin e Donald Trump.
Kreu i Shtetit tha se është krenar për mbështetjen që i jepet lirisë së besimit kudo në botë.
“Kënaqësi të ndiqnim së bashku me Sekretarin Amerikan të Shtetit, Michael Pompeo, fjalën e Presidentit të SHBA, Donald Trump në Mëngjesin e Lutjeve në Uashington D.C.
Edhe unë bashkohem me vlerësimet më të mira që bëri Presidenti Trump për rolin e veçantë të Sekretarit Pompeo dhe Ambasadorit të posaçëm Sam Broënback për Aleancën Ndërkombëtare për Mbrojtjen dhe Avancimin e Lirive Fetare.
Krenar për modelin tonë të shkëlqyer të harmonisë fetare dhe mbështetjes që i japim lirisë së besimit kudo në botë.
Zoti e bekoftë miqësinë shqiptaro-amerikane”, shkruan ai.
