Presidenti Ilir Meta ka zhvilluar sot një takim me të dërguarin special të SHBA për Ballkanin Perëndimor, Matthew Palmer.
Takimi u mbajt në Ambasadën e Shqipërisë në Washington. Bëhet me dije se fokusi i këtij takimi ishte shtimi i përpjekjeve të përbashkëta për çeljen e negociatave midis Shqipërisë dhe Bashkimit Evropian.
Gjithashtu ata kanë diskutuar edhe për zbatimin e reformës në drejtësi dhe konsolidimit të shtetit ligjor. Në takim ishte prezent edhe ambasadorja e Shqipërisë në SHBA, Floreta Faber.
