Presidenti Ilir Meta ka zhvilluar ditën e sotme një takim me komisionerin e ri në Politikën e Fqinjësisë Evropiane dhe Negociatat e Zgjerimit, Oliver Varhelyi.
Përmes një postimi në Facebook, Meta shprehet se anëtarësimi në Bashkimin Evropian është objektivi i parë strategjik i vendit. Ai shtoi se është i hapur në bashkëpunim të ngushtë për forcimin e besueshmërisë në procesin e anëtarësimit në BE.
Postimi i plotë:
Kënaqësi të takohesha me Komisionerin e ri për Politikën e Fqinjësisë Europiane dhe Negociatat e Zgjerimit, z. Oliver Varhelyi. Anëtarësimi në Bashkimin Europian është objektivi ynë kombëtar strategjik. I hapur për bashkëpunim të ngushtë për forcimin e besueshmërisë dhe cilësisë së procesit të anëtarësimit në BE të Shqipërisë.
