Pas kryeministrit Edi Rama edhe presidenti Ilir Meta ka takuar ish-Presidentin e Francës Nicolas Sarkozy.
Përmes një postimi në Facebook, Meta ka shprehur mirënjohjen për “mbështetjen e gjithanshme që Franca ka dhënë ndër vite në proceset e integrimit euroatlantik të Shqipërisë”.
“Kënaqësi të takoja sot ish-Presidentin e Republikës së Francës, z. Nicolas Sarkozy. Duke vlerësuar marrëdhëniet e shkëlqyera tradicionale midis dy vendeve tona, shpreha mirënjohjen për mbështetjen e gjithanshme që Franca ka dhënë ndër vite, në proceset e integrimit euroatlantik të Shqipërisë. Në rrugëtimin e saj europian, Shqipëria do të vazhdojë të mbështetet tek Franca”, ka shkruar Kreu i Shtetit.
