Zëdhënësi i Metës ka reaguar për takimin e Kreut të Shtetit me djalin e Goeorge Soros, Alex Soros. Në njoftim theksohet se takimi ka qenë me kërkesë të përfaqësuesve të Fondacionit, pra djalit të Soros, Alex.
Presidenti Meta e ka njohur me shqetësimet e tij të bëra publike më herët. Këtu ai i referohet përpjekjes së qeverisë për kapjen e institucioneve të drejtësisë, e sidomos të Gjykatës Kushtetuese, për përkeqësimin e lirisë së medias etj.
“Presidenti i Republikës Sh.T.Z Ilir Meta priti në një takim me kërkesë të tyre Zëvendëspresidentin e Fondacionit “Shoqëria e Hapur”, z. Aleksandër Soros dhe Drejtorin Ekzekutiv të zyrës së Fondacionit në Shqipëri, z. Andi Dobrushi.
Presidenti Meta i njohu me shqetësimet e Tij, të bëra edhe publike, për përpjekjet e qeverisë për kapjen e institucioneve të drejtësisë, e sidomos të Gjykatës Kushtetuese, për përkeqësimin e lirisë së medias, si dhe për domosdoshmërinë e gjallërimit të shoqërisë civile në mbrojtje të vlerave demokratike dhe të drejtave të njeriut”.
