Presidenti Ilir Meta, ka zhvilluar gjatë ditës së sotme një takim me ambasadorin e ri të Sllovenisë në Shqipëri, Peter Japelj.
Përmes një postimi në Facebookl, Meta sqaron se takimi u bë në kuadër të paraqitjes së letrave kredenciale, ndërsa thekson se evidentuan mundësitë për të rritur bashkëpunimin ekonomiko-tregtar ndërmjet dy vendeve.
Postimi i plotë:
Pata kënaqësinë të pres Ambasadorin e ri të Sllovenisë në Shqipëri z.Peter Japelj, me rastin e paraqitjes së letrave kredenciale. Vlerësuam marrëdhëniet shumë të mira e miqësore ndërmjet Shqipërisë dhe Sllovenisë. Evidentuam mundësitë për të rritur bashkëpunimin ekonomiko-tregtar ndërmjet dy vendeve.
