Ditën e djeshme, Kuvendi votoi në një seancë të jashtëzakonshme një rezolutë ku i kërkohej presidentit të reflektonte. Rezoluta u votua qoftë nga të majtët, qoftë edhe nga opozitarët në parlmanent.
“Ngërçi” i krijuar për anëtaren e Kushtetuses ka bërë që palët gjatë gjithë ditës të vijojnë me akuza e kundërakuza dhe të bëjnë rreshtimet përkatëse.
Mësohet se në lidhje me çështjen presidenti Meta ka pasur një takim kokë më kokë me opozitaren Rudina Hajdari.
Edhe pse ende nuk ka asnjë informacion zyrtar, nëpër kanalet mediatike qarkullon informacioni se takimi i tyre ka qenë në shenjë falenderimi për qëndrimet e kësaj të fundit. Sipas Ballkanweb, takimi është kërkuar dje nga vet Rudina Hajdari.
Kujtojmë se Rudina Hajdari ka pasur një përqasje më të butë sesa kolegët e saj në lidhje me raportin President-Kuvend. Madje, ajo u ka kërkuar kolegëve të saj, të cilët kanë pasur një frymë më ‘radikale’ ndaj veprimeve të Metës, që të bashkëpunojnë me presidentin për të çuar përpara emërimet në GJK.
