Kreu i PD-së Sali Berisha ka marrë në mbrojtje Ilir Metën, për përfshirjen e tij si informator i ish-Sigurimit të Shtetit. Berisha tha se kjo është një lojë e turpshme e Ramës. Berisha sqaroi se ka lexuar dosjen dhe I.M nuk është Ilir Meta por Ilir Murati nga Librazhdi.
“Veprim i paskrupullt i Edi Ramës. Veprim i turpshëm i njeriu në panik, pa asnjë moral, që përdor shpifjen dhe trillimin kundër kundërshtarëve politikë. Unë kam dokumentet në dorë. Nuk ka akt më të shpëtuar. Rama dhe Shërbimi Informativ e kanë bërë në mënyrën më të trashë këtë kurth. E ka stisur në mënyrën më të trashë. Cilido që lexon emailin, e ka të qartë se I. M është Ilir Murati nga Librazhdi dhe Filip Tale është nga Librazhdi, dhe nuk ka asnjë lidhje me Ilir Rexhep Metën.
Rama e ka shfrytëzuar në mënyrën më të shpifur qoftë kryetaren e Autoritetit, qoftë Nikollën. Në dokumentin që Genta Sula i thotë Nikollën e akuzon Ilir Metën direkt për bashkëpunëtor të Sigurimit të Shtetit, një ak i pashembullt. Kjo zonjë ka shfrytëzuar në mënyrë ekstreme nga Edi Rama për arsye që ajo i di vetë.
Mbi bazën e këtij dokumenti të bërë nga SHIK, për herë të parë në jetën e saj poltika ‘Linda e Parlamentit’ tha se se jam e tronditur nga dokumenti që ka dalë. Zyrtarë primitivë që nuk kanë asnjë gjë të përbashkët me integritetin e një zyrtari. Rama përdori SHISH për fabrikim të dokumenteve.
Cila është situata ligjore sot në Shqipëri? Në vitin 1995 këtu është bërë ligji i Lustracionit. Sali Berisha mori ligjin që bëri Havel në Çeki dhe e çoi në Parlament. Ligji u zbatua dhe Ilir Meta mori certifikatën. Po të mos e meritonte, nuk mund ta merrte kurrë”, tha Berisha.
Në një konferencë me gazetarët, Berisha ka paralajmëruar revolta të mëdha nëse kryeministri Edi Rama rrit çmimin e energjisë elektrike.
“Nëse rrit çmimin e energjisë, unë të paralajmëroj, do përballesh me revolta. Edi Rama mos luaj me çmimin e energjisë, ndryshe PD do realizojë një nga revoltat më të fuqishme që ka parë ky vend. Nuk mund të bëhet kështu, po tejkalohet çdo lloj limiti. Edhe tani po i zbrazin digat”, u shpreh Berisha.
