Presidenti Ilir Meta në një lidhje direkte me emisionin “Opinion” i cilësoi jo të ekzagjeruara masat kufizuese të ndërmarra nga qeveria shqiptare lidhur me COVID-19.
Kreu i Shtetit foli gjithashtu në lidhje me shtyrjen e afatit të fatkeqësisë natyrore deri më 23 Qershor, propozuar nga mazhoranca.
Sipas Metës, kjo shtyrje mund të ishte me një afat 30 ditor.
“Mendoj se kjo shtyrje mund të ishte me një afat 30 ditor, megjithatë duhet të vlerësoj argumentat”, tha Meta.
Gazetari Blendi Fevziu pohoi se shumica e vendeve e kanë vlerësuar me periudha 15 ditore gjendjen e emergjencës.
Ndërkaq, Meta vijoi: “E përmenda edhe më sipër, një shtyrje 30 ditore do kishte qenë më e pranueshme, megjithatë për të mbajtur qëndrim zyrtar, do më duhet të shikoj relacionin, argumentat dhe arsyet”.
