Ilir Meta ka mbajtur fjalën e tij në protestën e thirrur nga Sali Berisha, duke mos kursyer gjuhën e ashpër ndaj Edi Ramës.
Kreu i Partisë së Lirisë, Ilir Meta, që në nisje të protestës së opozitës sulmoi ashpër kryeministrin Edi Rama, duke akuzuar këtë të fundit për sulmin ndaj kryetarit të PD-së, Sali Berisha.
Meta e cilësoi Ramën “pjellë bastarde dhe skifizofren”. “Nuk do të doja të flisja gjatë, se pata fatin ta bëja këtë gjë para jush disa javë më parë, por sot besoj se është shumë e qartë: Koha e fjalëve dhe e fjalimeve duhet t’i lërë vendin kohës së veprimeve të organizuara për t’i treguar vendin, pjellës më bastarde të kësaj toke, që organizoi sot në ditën e samitit evropian, një ngjarje të denjë për një kryeministër skizofren, delikuent dhe tradhtar.
Për zbatuesin e platformës së spastrimit etnik që e ndjen sot çdo familje shqiptare, përmes instalimit të një regjimi mafioz. Prandaj, të gjithë me poezinë e Havzi Nelës “Liri a vdekje”, për t’i treguar vendin këtij regjimi mafioz! Përshëndetjet më të përzemërta të gjithë juve dhe liderit të PD-së, Prof. Dr. Sali Berishës!”, tha Meta.
